• Сыбайлас жемқорлыққа қарсы қызмет басшысының бірінші орынбасары интернет-конференция өткізеді

    15.10.2019 "Добавить комментарий Толығырақ  
  • Президенттік жастар кадр резерві

    10.09.2019 "Добавить комментарий

    https://pkrezerv.kz/

Құрметті Бөрлі ауданының тұрғындары!


            Мен 2019 жылғы 6 қыркүйекте қазыналы мекен, Бөрлі ауданының әкімі лауазымына тағайындалдым. Өзіме жүктелген мол жауапкершілікті сезіне отырып, Бөрлі ауданы тұрғындарының өмір сүру сапасын арттыру, сіздермен өзара тиімді ынтымақтастық пен конструктивті диалог орнатуға дайынмын.

Қазақстан Республикасының Президенті Қасым-Жомарт Кемелұлы Тоқаев барлық деңгейдегі әкімдерге халықпен кері байланыс орнату және келіп түскен өтініштерге жедел ден қою үшін әлеуметтік желілерде белсенді жұмыс істеу туралы ұсыныс айтты. Тұрғындармен кері байланыс орнату мақсатында Facebook әлеуметтік желісінде жеке парақшам жұмыс жасап тұр. Пікірлеріңізді burlin-akimat@bko.gov.kz электронды поштасына, Бөрлі ауданы әкімдігінің 87058034719 WhatsApp нөмеріне ( #burlin-akimat және @akimat_burlin ) және Ақсай қаласы әкімдігінің ( @akim_aksai ) аккаунттары кері байланысқа дайын. Аудан әкімдігі «Ашық әкімдіктерді» өткізу бойынша жұмысты жалғастыратын болады, тәжірибе халықпен осы байланыс құралдарының тиімділігін көрсетті.

Аудандағы ауылдық округтердің барлық әкімдіктері, бөлімдер, мемлекеттік кәсіпорындар мен мекемелер де халықпен кері байланыста. Онымен қоса, Бөрлі ауданының тұрғындары мен қонақтарына "SMART AQSAI" қосымшасындағы онлайн-сервистерді пайдалануды ұсынамын. Аудандағы түйіткілді мәселелер мен шаһарымызды абаттандыру бойынша ұсыныс-пікірлеріңіз болса маған жолдауларыңызды сұраймын.

Бүгінгі күнде Ақсай қаласындағы тұрмыстық қатты қалдықтар, полигон мен қоғамдық көлік мәселесі шешімін таппай отырғанын білемін. Және жақын күндері бұл мәселелерді шешу үшін нақты шаралар қабылданатын болады. Өңірді дамытуға әрбір тұрғын қатысуы қажет деп есептеймін. Ауданымыздың дамуы мен проблемалық мәселелерді оңтайлы шешу жолында барлығыңызды білімдеріңіз бен тәжірибелеріңізді қосып, ұсыныстар мен ой-пікірлеріңізді біріктіруге шақырамын. Қоғамның барлық саласында жүрген тұрғындарымыздың ой-пікірін білу маңызды. Ұсыныстар ескерусіз қалмайды. Үздік идеялар жинақталып, олар аудан игілігі үшін жүзеге асырылады. Әсіресе, өз бизнесін бастап, дамытқысы келетін жандар үшін менің есігім әрдайым ашық. Біз бірге аудан игілігі үшін жұмыс істей аламыз.

 

Бөрлі ауданының әкімі М.Сатқанов