Жаңалықтар

Бөрлі ауданы әкімі аппаратының ұйымдастыруымен ағымдағы жылдың 24 қараша күні аудандық мәдениет үйі ғимаратында «Мемлекеттік көрсетілетін қызметтер жәрмеңкесі» болып өтті.

ҚР Тұңғыш Президенті күні қарсаңында «Нұрлы жол» мемлекеттік бағдарламасы аясында Александров ауылында су құбырының ашылу салтанаты өтті. Көптен күткен ауыл тұрғындарының қуанышында шек жоқ. «Ақсайжылуқуат» АҚ тапсырысымен 6 ай мерзім ішінде мердігер «KazConstructionGroup» компаниясымен жүргізілген жұмыстарға бөлінген қаржы көлемі 172 млн. 399 мың теңгені құрады. Ауыз сумен аудан тұрғындарын толық қамту мақсатына қаржы аудандық және республикалық бюджет есебінен бөлініп жүргізілді. Жақын арада Александров ауылымен қатар ауыз су Бөрлі ауылдық округіне де жеткізілмек. Бұл екі ауылды ауыз сумен қамту 200-ден астам ауыл тұрғындары бар ауылдық округтерді 100 % орталықтандырылған сумен қамту деңгейіне жеткізеді.

Елбасының тапсырмасына сәйкес елімізде Қазақстан Республикасының  қылмыстық және іс жүргізу процестері заңдылықтарын жаңғырту бойынша көптеген іс шаралар жүргізілуде.
Жаңғыртудың жаңа кезеңі қылмыстық қудалау процестерін халықаралық стандарттарға сәйкестендіріп, азаматтардың құқықтарын сақталуына және қылмыстық процестің шынайылығын қамтамасыз етуге бағытталған.

2017 жылғы 24 қараша сағат 09.00-ден 13.00-ге дейін аудандық мәдениет үйінде «Ашық есік күні» өткізіледі, азаматтарды қабылдауды аудан әкімі, аудан әкімінің орынбасарлары, ...

Тұңғыш президенті күні мерекесі қарсаңында Бөрлі аудандық ішкі сітер бөліміне жаңа автокөліктер табыс етілді. Қылмыс санын азайту, дер кезінде ашу, оның алдын-алу – аудандық ішкі істер бөлімінің алдына қойылған мақсаттардың бірі. Бұл мақсаттарға қол жеткізу үшін сөзсіз ішкі істер органдары материалдық-техникалық тұрғыдан сақадай сай болуы шарт. Бұл жолы аудандық бюджет есебінен су жаңа бес автокөліктің кілті ішкі істер бөліміне салтанатты түрде аудан әкімі А.Халеловпен  табыс етілді. Салтанатты шараға Батыс Қазақстан облысы ішкі істер департаментінің жол полицияқызметінің басшысы Манарбек Серікқалиұлы, ішкі істер бөлімінің ардагерлері, ішкі құрамы қатысты. Аудан әкімі А.Халелов ішкі істер бөлімін құттықтап, өз сөзінде қылмыстың алдын алу мен онымен күресу көп жағдайда құқық қорғау органдары мен жергілікті атқарушы органдардың өзара тығыз іс-әрекетінің нәтижесінде жүзеге асырылатындығын, бұл ретте ауданда жергілікті атқарушы органдар мен аудандық ішкі істер бөлімінің жұмысы өзара тығыз байланыста жүргізілетіндігін, полиция қызметкерлері үшін жыл сайын тұрғын үйлер  бөлініп, қала бойынша 20 бейнекамера орнатылып, жергілікті полиция қызметі үшін қажетті техника, жиһаз сатып алынып жатқандығын атап өтті.