Бөрлі ауданында » Рухани жаңғыру» бағдарламасы аясында «Ұлы дала жүйріктері» атты ұлттық спорт түрлерінен Бөрлі ауданының чемпионаты өтті.

Чемпионаттың ашылу салтанатында сөз алған аудан əкімінің орынбасары Жаңабай Каналин қатысушыларға сəттілік тілесті. Тай бəйгесі, құнан бəйгесі, қазақы жылқылар бəйгесі, қанды жылқылар бəйгесінен бақтарын сынауға келген шабандоздар жалдарынан жел есіп, атқан оқша зулаған сəйгүліктерінің қарымын осы дүрмекте сынап көрді. Дүбірлі жарыстың тізбесіне жанкүйер қауымының делебесін қоздыратын аударыспақ, теңге ілу, көкпардың енгізілуі көпшілікті ерекше сүйсіндірді.
— » Дəл қазіргі сəтте дүбірлі додаға 40 қа жуық қатысушы келді. Аударыспақ пен көкпар ойындарына Шыңғырлау ауданының командаларын жолдастық кездесуге арнайы шақырттық. Бұл жарыстың мақсаты ең алдымен күзде өтетін аудан күніне орай іріктеу» — деді Бөрлі ауданының дене шынықтыру жəне спорт бөлімінің басшысы Армат Исанов. Шашасына шаң жұқпаған сəйгүліктер ауыздығымен алысып алға ұмтылды. 3 шақырымдық тай жарысында » жүйрік қасқа» атты жануар алдына қара салмады (Пугачев ауылдық округі). Құнан бəйгеде Нұрболат есімді шабандоз » Көрегерімен» оза шапты (Александровка ауылдық округі). Қазақы жылқылар бəйгесінде Қарақұдық ауылдық округінің шабандозы алға суырылып шықты. Ал қанды жылқылар бəйгесінде Булат Айжариковтың » Торы» жылқысы шаңына да ілестірмеді.
Жаяу бəйгесінде Анатолий Долинный І орынды иеленді (Ақсай қаласы). Теңге ілуден Шыңғырлау ауданының қатысушысы Аслан Кабиев І орынды қанжығасына байлады.
Қазақ күресінен өгіз палуан Теміржан Көлбай атанса, түйе палуан Темірлан Көлбай болды. Көкпар ойынынан команда капитаны Асхат Балпанов салым салып, жеңістің сатысынан көрінді.Бұл жылқы жануарының икемділігі ғана емес, сонымен бірге шабандоздардың да шымырлығы сыналған сайыс болды.

  • «Жастар Отанға» жобасы

    17.08.2018 "Добавить комментарий

    Ағымдағы жылдың 14 - 15 тамызында жыл сайынғы игі дәстүрге айналған "ЖАСТАР ОТАНҒА!" атты саяси жастар лагері аудандық деңгейде Бумакөл ауылында өтті.

    Толығырақ  
  • Құрметті аудан тұрғындары!

    08.08.2018 "Добавить комментарий Толығырақ

Құрметті Бөрлі ауданының тұрғындары!

ҚР Президенті Әкімшілігі мен Бөрлі ауданының мәслихат депутаттарының келісімімен ротация тәртібімен 2018 жылдың 4 маусым күнінен Бөрлі ауданының әкімі лауазымына тағайындалдым. Алда Қазақстан Республикасының Президенті Н.Ә. Назарбаевтың «Қазақстан-2050» даму стратегиясы, «100 нақты қадам» Ұлт жоспары, «Болашаққа бағдар: рухани жаңғыру», «Бес әлеуметтік бастама» атты  қазіргі заманның сынақтарына нақты жауап беретін іс-әрекеттердің кешенді бағдарламаларын орындау міндеттері тұр.
Бөрлі ауданы өңіріміздің стартегиялық әлеуметтік-экономикалық маңызды ауданы екенін ескере отырып, алға қойылған міндеттерді жүзеге асыру, әкімшілік пен өзім үшін үлкен жауапкершілікті міндеттейді. Елбасы тапсырмаларын уақытылы және сапалы орындау, сондай-ақ тұрғындардың өмір сапасын жақсарту мақсатында мемлекеттік органдар мен халық арасында бірлескен жұмыстар жүргізілуі қажет (ашық диалог).
Егер сіздің өз аулаңыз, көшеңіз бен ауылыңыздың, қалаңыздың дамуына елеулі үлес қосамын деген ниетіңіз болса, күнделікті түрде жүзеге асырылып жатқан және жоспарланған ұсыныстарыңыз бен ескертулеріңізді тыңдауға дайынмын.  Сонымен қатар, қызықтырған сауалдарыңыз бен арыздарыңызға жауапты менің блогыма хабарласу арқылы ала аласыздар. Әлеуметтік желілерде де онлайн алаңдар ашық. (Facebook,  instagram akimat_burlin парақшалары, аудан әкімдігінің aksai-bko.gov.kz сайты). 

Бөрлі ауданының әкімі С.Әлиев