Елоардамыздың 20 жылдығына орай, аудандық жастармен жұмыс жөніндегі ресурстық орталығының ұйымдастыруымен «Астананың құрдастары» тақырыбында 1998 жылғы аудан жастарымен кездесу өтті.

— Елордамыз Астана қаласының туған күніне орай ауданымызда бірқатар іс-шаралар ұйымдастырылуда. Соның бірі – күні кеше өткен жастар ресурстық орталығының ұйымдастыруымен және алтын еріктілеріміздің қолдауымен, бірлесе ұйымдастыруымен жастар арасында флешмоб өткізілді. Мұндағы басты мақсат – астананы туған күнімен Бөрлі жастарының атынан шын жүректен құттықтап, ыстық лебіздерін білдіру. Сонымен қатар еріктілер қайырымдылық акция ұйымдастырған болатын. Ауданымыздың тазалығына үлес қосып жүрген, көшеде жүрген жұмысшыларымызға салқын су және бірқатар азық-түлік табыстаған болатын. Сондай-ақ тұрғылықты мекен-жайы жоқ , қиын жағдайға тап болған тұрғындарға тегін азық-түлік таратылған болатын. Астана қаласына орай шаралар жалғасын табуда. Соның бірі бүгін өтіп жатырған шара, яғни Астананың құрдастарымен кездесу өткізіп жатырмыз. 20 жас 20 жылдығына орай семинар-тренингтар өтіп, естелік сыйлықтар табыстаймыз, — дейді жастармен жұмыс жөніндегі ресурстық орталығының директоры Толқын Ахметова.

Қатаң дөңгелек үстелдегі семинармен шектелмей, еркін тақырыпта әңгіме айтып, ресурстық орталықтың психологы Ботагөз Байқадамова тренингтар өткізді.Бұл аталмыш шараға он бес шақты жас қатысты.